எல்லோரும் விரும்பும்படியான
சொல்லொன்றை எழுதிவிட்டு வாசித்தேன்
என்னைக் காணவில்லை
நான் விரும்பும்படியான
சொல்லொன்றை பிறகெழுதி வாசித்தேன்
பிறரைக் காணவில்லை
எனக்காகவும் எல்லோருக்காகவுமான
சொல்லொன்றை தேடிஎழுதி வாசித்தேன்
எழுத்துக்களையே காணவில்லை
ஒளி யொலியறியா எங்கும்பரவின
மாய உடம்புச் சொல்லொன்றே
எனக்கும் பிறருக்குமான
தொடர்பு மொழியாயிருக்கிறது
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக