செய்தி-1
விரும்பிய பொழுதெலாம் கேட்டுக் கொள்வதற்காக
பறவைகளின் மொழிகளை
அலைபேசியில் பிடித்து வைத்தேன்
நினைவுகளில் கரைந்துகொண்டிருக்கிற
அதனுடைய மூலங்களை கண்டுகளிக்க
சென்ற இடமெல்லாம் சென்ற இடமெலாம்
ஒலிகள் மட்டுமே மிஞ்சியிருக்க
பறவைகளைக் காணவில்லை
செய்தி-2
நூறுக்கும் மேற்ப்பட்ட ஆண்டுகளை
நடந்தே கடந்து பழக்கப் பட்டவன்
சலித்துப் போய்
கால்களை மடக்கிவைத்து
உந்துகளில் கடக்கத் தொடங்கினேன்
வேகமாயபோயும்
ஐம்பதுகளில் முடிந்துபோகிறேன்
செய்தி-3
வெங்காய வாடை நாவைதூண்ட
கஞ்சிக் கலயத்தை திறந்துபார்த்தேன்
சோறு மட்டும் மிஞ்சியிருக்க
நீராகாரம் உறிஞ்சப்பட்டு
உணவறைகளின் குடுவைகள் தோறும்
மருந்துகளால்
நிரப்பப் பட்டிருக்கின்றன
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக