முரண்தொடை

மனநிலைகள் பலஒப்ப
நான் நாணாகமறுத்ததில்
என் திரிந்து யாராகிவிட்டது

எதிர்பார்ப்பு அத்தனைக்குள்ளும்
விரைத்துநின்று நுழைய மறுத்ததில்
விரிசலானது உறவுவடிவங்கள்

திரும்பிகொண்ட நாலாப் புறமும்
உள்ளே குளிரும்படி சிதற மறுக்க
எல்லாப் புறமும் எதிராய்ப் போனது

நினைத்துக் கொண்ட உச்சங்களில் எல்லாம்
நினைத்துப் பார்த்து ஏறமறுத்ததில்
கிடைமட்டம் கீழ்மட்டமானது

இழுவைகளின் விசைகளினுமேலாய்
எடைமிகுந்து அசைய மறுத்ததில்
அந்தரத்தில் மிதக்கிறது வாழ்வு

முன்னிலைக்கு மாறாக
தன்மைநிலைகொள்ள
தன்மைக்கு மாறாக 
எந்நிலைகண்டாலும்
மறுப்பு ஒன்று மட்டுமே
மானத்தைக் காத்துக் கொண்டிருக்கிறது