வாழ்வு
வீடடையும் மனமுடுக்கத்தில்
முன் நகரும் பாதங்களால்
விழுங்கப் படுகின்றன
தெருவின் தூரங்கள்
பக்கவாட்டுத் திசைகளில்
துரத்தப்படும் இணைத் தெருக்கள்தோறும்
இயங்குகின்றன
வீடடையும் மனங்கள்
அடைந்த வீட்டினுள்
எனக்குள் நுழைந்து விழுங்கப்பட்ட
தூரங்களில் நடந்தபொழுது
மளிகைக் கடைச் சாமான்கள்
ஆங்காங்கே சிதறிக் கிடந்தன
மதுப்புட்டிகளும் பிளாஸ்ட்டிக் குவளைகளும்
பெரும்பாலும் குவிந்துகிடந்தன
பல இடங்களில் நிறைந்து கிடந்தன
மருந்துகளும் மாத்திரைகளும்
இதற்கு குழுசேர்:
கருத்துரைகளை இடு (Atom)
கருத்துகள் இல்லை:
கருத்துரையிடுக